الخميس 7 يوليو 2022 05:54 صـ
حزب إرادة جيل

فنون

«ما تجرحنيش» تشعل أزمة بين الشاعر بهاء الدين محمد وشيرين

حزب إرادة جيل

هاجم الشاعر الغنائي بهاء الدين محمد النجمة شيرين عبدالوهاب، وذلك بسبب أغنية «ما تجرحنيش»، التي تعاونا فيها سويا منذ 19 عاما على إنتاجها.

وجاء هجوم بهاء الدين محمد على شيرين بعد أن قام أحد متابعيها بسؤالها عن أكثر أغنية ندمت على تقديمها، لتجيب بأنها أغنية «ما تجرحنيش»، ليرد شاعر الأغنية عبر حسابه الرسمي بموقع التواصل الاجتماعي «فيسبوك» قائلا: «مش متعود أرد على أى حد، ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد ف كل كارثة يدافع عنها».

وأضاف: «حاتكلم باختصار جدا، المشهد الأول أول يوم دخلت شيرين عبدالوهاب مكتبى كانت مع الأستاذ نصر محروس، اللى هو صاحب الفضل في تقديمها، وبعد دقائق من اللقاء لقينا شيرين بتبكى، وسألها نصر: بتعيطى ليه؟، ردت: علشان أنا قاعدة مع الأستاذ بهاء».

وتابع: «المشهد الثانى رشحتها تغنى (كتير بنعشق) ولولا موافقة نصر احتراما للعشرة اللى بينا ماكانتش ح تغنيها لأنها كانت موقوفة من النقابة.. والمشهد الثالث لما فوجئت بمدير أعمالها الرجل اللى أنا باحبه وباحترمه لقيته بيكلمنى نيابة عنها، ويقولى سمعنى الجديد، وده طبعا خطأ لأن اللى بيغنى مهما كان اسمه مش المفروض يغلط غلطة زى دى، لأن المشهد ده مش لايق على المشهد الأول».

واستكمل: «المشهد الرابع والأخير أغنية ما تجرحنيش، أنا لحد الآن مش عاجبنى غُنا شيرين، مع احترامى الكامل لصوتها، وأكيد لولا الأستاذ نصر ما كانش ح يتم اللقاء.. وما تجرحنيش من أهم أعمالى ومن حقى أدافع عنها نتاج تهور اللى غنيتها، وكمان لأول مرة ألاقى حد بيحارب نَفسه وبيغلط ف مبدعين اشتركوا ف صناعته».

واختتم المنشور قائلا: «عشان أكتب الكلام ده يبقى شيرين غلطانة كالعادة، بس كان لازم أقولها ماتعمليش كده تانى وإنتى بتكبرى بس مش ح تعدى حدود حجم بعض الأسماء ولا أعمالهم».

أغنية ما تجرحنيش

وتعاونت شيرين عبدالوهاب في أغنية «ما تجرحنيش» مع شركة «فري ميوزك» للمنتج نصر محروس، وكانت ضمن أغنيات ألبومها الغنائي الذي حمل اسم «جرح تاني»، أنتج عام 2003، والأغنية من كلمات الشاعر الغنائي بهاء الدين محمد، ومن ألحان حسن أبوالسعود، وتوزيع موسيقي مدحت خميس، ومهندس الصوت أمير محروس.

كلمات أغنية ما تجرحنيش

ما تجرحنيش أكتر من كده.. حرام حرام عليك كده

خايفة منك خاف عليا

يا حبيبي حس بيا

ده انت أول حب ليا

ولو انجرحت مش هعيش مش هعيش

حرام عليك كده حــــرام

أنا غير اللي اتخدعت في حبهم قبلي

أنا غير اللي انجرحت في حبهم قبلي

أنا اللي بحس بيك باسمع كلام عينيك

تقوللي هاتي عمرك اعيشه بين ايديك

إزاي بتشك فيا وتقول بكدب عليك؟.

حزب إرادة جيل

آخر الأخبار