ناصر دويدار يكتب: اه انا بطبل
أنا أسمى ناصر دويدار
مواطن عادى وأقل من العادى
بروح شغلي واربي عيالي وبحب الشعر والمزيكا وبعتبرهم الخلاص من ازمات كتير بتجتاح الشعب المصرى.. ازمتنا وعى... ماعندناش اخلاق الوعى
سكني ومكتبي في عين الصيره
بعتبر النادى المصرى كافيه... استراحه اروح اسحب كرسي اشرب الشاى والقهوه واروح
من اربع سنين اتحول النادى المصرى لمأوي
حراميه
مسجلين
حشاشين
وحاجات تانيه...
اتحول النادى لعزبه سيئه السمعه تحت حد الشوف لرئيس المجلس والاعضاء المحترمين اصحابي
وكإنهم من بلد تاتيه
لااري لااسمع لااتكلم
تحول النادى الي بؤره
وجميع اغضاء مجلس الشعب بلا استثناء لم بحاول واحد منهم انقاذ اكتر من 4000اسره ببناتهم وشبابهم كلهم مش فاضيين
وزى ماعمل الرئيس السيسي في 30/6وانقذنا كلنا من حبال المشانق ودوامه النفي والجهل وبيع مصر للكفيل وتسليم مصر تسليم اهالي للجهل والتخلف والتدين الشكلانى ودين الصحرا والمعيز
عملها تيسير مطر في النادى المصرى
عمل تنميه بشريه للناس
اعاده تأهيل المنحرف والمتنطع والافاق
الراجل ده بيعمل فعل مؤسسي
بيصلح خراب الناس من جوه
بشوف ده وححكى لكم بعدين مواقف كتير حصلت قدامي
الله اكبر ذاكرته حديديه زى الكتاب الكبار نجيب محفوظ وتولستوى الناس صاحيه كلها في دماغه بنفس الوعي
رجع الذاكره للنادى
عوده المحبه بين الناس وبعضها
الطبطبه والاحتواء للعمال والموظفين
رجوع موارد النادى اللي كانت بتتسرق... اه والله بتتسرق
او بلاش بتتسرق كانت بتتوه في السكه وهى رايحه للخزنه
حمام السباحه والمزادات
تيسير مطر تاجر السعاده
العصايه السحريه رماها في الهوا
عملت شاشتين عملاقتين
قاعه شتويه
رحله للفيوم مجانا لحوالي 80اتوبيس
كراسي
شماسي
اصلاح الملاعب
حمام السباحه
حمامات الاعضاء
مركز للشباب رياضى.. بلياردو تنس طاوله.. العاب ترفيهيه
اصلاح مواسير المياه
تقليم الشجر... كان عامل زى راس شطه في الاهلي زمان
حفلات وجوايز
الجامع
خزانات مايه عملاقه
غسل وش النادى القبيح
انا ماليش مصلحه معاه
لكن له حق الدعم والحب والاحترام
حب بحب واحترام بإحترام
تيسير مطر بعد ماكان النادى في المقابر
رجعه للمنابر
بصراحه انا بطبل للراجل ده وممكن ارقص له كمان
انا كنت بعمل ندواتي بيحضر فيها 20واحد في الاوبرا
امبارح انا واحمد الحجار عملنا حاله اجمل مافيكي يامصر القاعه فيها اكتر من الف شخص
اييييه ده
عظمه ياتيتو
معاك وجنبك ووراك
اخ وصديق واكسلانس
والجاى احللي
الف شكر لوجودك بيننا
اه انا بطبل... ها... ايه تانى
